हामी सबैकाे संसारन्यूज

२६ पुस, काठमाडौं । नेपाल कम्युनिष्ट पार्टी (नेकपा) दाहाल– नेपाल समूहका अध्यक्ष माधवकुमार नेपालले प्रधानमन्त्रीले प्रतिनिधिसभा विघटन गरी मुलुकलाई सङ्कटमा धकेलेको आरोप लगाएका छन् ।

जनकपुरधाममा नेकपा दाहाल–नेपाल समूहले आज आयोजना गरेको नेता–कार्यकर्ता भेटघाट कार्यक्रमलाई सम्बोधन गर्दै अध्यक्ष नेपालले वर्तमान प्रधानमन्त्रीबाट देश र समाजको परिवर्तन सम्भव नभएको विचार राखे । प्रधानमन्त्रीकाे  पदमानै बसि रहनुपर्ने मानशिक्ता र अहंकारी प्रविद्धिका कारण मुलकलाई अनिर्णयको बन्दि बनाएर हालको अवस्था आएको उनको भनाई थियो ।

उनले बहुमत आफुहरुपक्षमा रहेकोले नेकपा र सूर्य चुनाव चिन्ह आफुहरुको हुनेपनि दाबि गरे । उनले भने, “बहुमत हाम्रो पक्षमा रहेको छ ।” असंबैधानिक कदमको विरोधमा आन्दोलनका लागि तयार रहन पनि नेता तथा कार्यकर्तालाई उनले निर्देशन दिए । रासस