Sansar News
स्याङ्जा । नेपाल कम्युनिस्ट पार्टी (नेकपा) ओली निकट राष्ट्रिय युवा संघ स्याङ्जाले नेपाल तरुण दलका ५० जना कार्यकर्ता प्रवेश गराउंदै जिल्ला भेला सम्पन्न गरेको छ ।
खानेपानी मन्त्री तथा पार्टी स्थायी कमिटी सदस्य मणि थापाको प्रमुख आतिथ्यतामा सयौं युवाहरुको सहभागितामा आज आइतबार युवा संघ स्याङ्जाले भेला सम्पन्न गरेको हो । संघको जिल्ला भेलाले पारस सेन संयोजक र किसान श्रेष्ठ सह-संयोजक रहने गरि सदस्यीय जिल्ला समितिको पुर्नगठन गरेको छ । भेलाको क्रममा नेपाल तरुण दल वालिङ नगर स्तरीय संगठनमा आवद्ध ५० जना युवाहरु प्रवेश गरेको संघका केन्द्रिय बिभागिय सदस्य शिबु रानाले सन्सारन्युजलाई बताए ।
भेलामा कृषि तथा पशुपंक्षी विकास मन्त्री तथा पार्टी केन्द्रिय सदस्य पद्माकुमारी अर्याल, पार्टी केन्द्रिय सदस्य तथा जिल्ला अध्यक्ष सुर्यप्रसाद गैह्रे (पारस) पार्टी केन्द्रिय सदस्य तथा राष्ट्रिय युवा संघका केन्द्रिय सह-संयोजक रमेश पौडेल, पार्टी केन्द्रिय सदस्य किशोर बिक्रम मल्ल र युवा संघका नेता भरत गोदार लगाएतले मन्तव्य राखेका थिए ।
भेला पारस सेनको सभापतित्व र अशोक शर्माको सन्चालनमा सम्पन्न भएको थियो ।
वि.सं.२०७७ पुस २७ सोमवार १८:४२ मा प्रकाशित
