हामी सबैकाे संसारन्यूज

२८ पुस, काठमाडौं । चिकित्सा शिक्षा आयोगले स्नातकोत्तर तहको शुल्क निर्धारण गरेको छ ।

आयोगले जारी गरेको सूचनामा जनाए अनुसार एमडी/एमएस क्लिनिकल र एमडीएस क्लिनिकल अध्ययन गर्न २२ लाख ९९ हजार रुपैयाँ लाग्ने छ ।

यसैगरी एमडी/एमएस बेसिक साइन्स (ननक्लिनिकल) र एमडीएस नन क्लिनिकल अध्ययन गर्न १० लाख ४८ हजार १ सय ३५, एमडी आयुर्वेद पढ्न ९ लाख २४ हजार ३ सय ६५ शुल्क तोकिएको छ ।

एमएन/एमएस्सी नर्सिङका लागि ८ लाख ८८ हजार २ सय ५०, एमपीएचका लागि पनि ८ लाख ८८ हजार २ सय ५० र एमफर्माका लागि ५ लाख १ हजार ६ सय रुपैयाँ तोकिएको छ ।

एमएस्सी एमएलटी, एमएस्सी एमआईटी, एमएस्सी मेडिकल माइक्रोबायोलोजी/बायोकेमेस्ट्री र एमएस्सी बेसिक साइन्स अध्ययन गर्न समान शुल्क तोकिएको छ । यी पढ्न चाहने विद्यार्थीलाई ७ लाख ३१ हजार ५०० रुपैयाँ शुल्क तोकिएको छ ।

त्यस्तै एमफिल क्लिनिकल साइकोलोजीका लागि २ लाख ९३ हजार ६४५ रुपैयाँ तोकिएको छ ।