हामी सबैकाे संसारन्यूज

२८ पुस, काठमाडौं । चालक अनुमतिपत्र (लाइसेन्स) को परिक्षामा संलग्न हुनको लागि रहदै आएको कोटा प्रणालीको अन्त्य हुने भएको छ । आगामी साता देखि दिनमा जति पनि आबेदन भर्नमिल्ले व्यवस्था यातायात व्यवस्था विभागले गर्न लागेको हो ।

यसअघि दैनिक रुपमा ४ देखि ५ हजारले मात्रै लाइसेन्सको आवेदन दिन सक्ने व्यवस्था थियो । जसका कारणले गर्दा आवेदन दिने धेरै हुदा सर्वरमा समश्या देखा पर्दै आएको छ । अबभने यातायात व्यवस्था विभागले जतिपनि आवेदन दिन सक्ने व्यवस्था ल्याउन लागेकाले सेवाग्राहीले बेहाेर्दै आएको झण्झटिलो पक्रियाको अन्त्य हुने भएको छ ।

विभागले आबेदन प्रणालीलाई अब भने पुणरुपमा अनलाई प्रणलीमा लान लागेको छ । अब, देखि लाइसेन्सको परीक्षा दिन चाहाने जतिपनि सेवाग्राहीले जुनसुकै समयमा पनि आवेदन दिनसक्ने र आबेदन दिईसकेपछि कुनदिनमा परीक्षा हुनेभन्ने पनि प्रणालीमार्फत नै जानकारी प्राप्त गर्न सकिने व्यवस्था ल्याउन लागिएकाे विभागले जानकारी दिएको छ ।

काेरोना महामारीका कारण ९ महिनापछि लाइसेन्स परीक्षा खुलेकाले हाल सेवाग्राहिको चाप विभागको क्षेमताभन्दा धेरैनै रहेको छ जसले गर्दा सेवाग्राहिहरुले सहज रुपमा सेवाप्राप्त गर्न सकिरहेका छैनन् ।