हामी सबैकाे संसारन्यूज

५ माघ, काठमाडौं । साताको दोस्रो दिन सोमबार पनि सेयर बजार परिसूचक (नेप्से) उकालो लाग्ने क्रम जारी रह्यो । आईतबार २८.४६ अंकले बढेको बजार सोमबार १७.३१ अंकले बढेर २३३२.३१ बिन्दुमा पुगेको नेप्सेले जनाएको छ ।

आज कूल २०७ कम्पनीको ६ अर्ब ३१ करोड ४६ लाख ६४ हजार १६६ रुपैंयाँ बराबरका १ करोड ५४ लाख ९६ हजार ७१४ कित्ता सेयर किनबेच भएको नेप्सेले जनाएको छ । तिनको कारोबारमा ५१ हजार ८ सय १३ पटक लेनदेन भएकोछ ।

सोमबार जलबिद्युत बाहेक सबै कम्पनीको सूचकमा हरियाली छाएको छ । तिनीहरु मध्ये जीवन बीमा कम्पनीको सूचक १९९.४७, ब्यापारको १८१.०४ तथा निर्जीवन बीमा कम्पनीको १२६.१३ अंकले बढेर शिर्ष स्थानमा रहे ।

कारोबार रकमको आधारमा प्रभु बैंक, नेपाल टेलीकम र एनआईसि एसिया बैंक शिर्ष स्थानमा रहे भने कारोबार संख्यको आधारमा प्रभु बैंक, नेपाल टेलीकम र पूनर्बीमा कम्पनी शिर्ष स्थानमा रहे ।