हामी सबैकाे संसारन्यूज

११ माघ, लण्डन । Congratulations : बेलायतको लिड्समा कार्यरत एक युवा नेपाली इन्जिनियरले ‘इन्टरनेसनल इमर्जिङ इन्जिनियर अवार्ड २०२०’ जितेकी छन् ।

बेलायतसहित विश्वभरका इन्जिनियरहरु आबद्ध प्रोफेसनल संस्था ‘इन्स्टिच्युट अफ सिभिल इन्जिनियर’ (आइसीइ) ले सेलिना राईलाई यो अवार्ड प्रदान गरेको हो ।

ईन्जिनियर सेलिना राई, जो अरुपको लीड्समा स्ट्रक्चरल इन्जिनियरको रूपमा काम गर्छिन् उनले प्रतिष्ठित प्रोफेसनल अवार्डसंगै नगद १५ सय पाउन्ड पुरस्कार र प्रतिष्ठित संस्था पदक समेत पाएकी छन् । आईसीई यार्कशायर र हम्बर फाइनलिस्ट सेलिनाले समूहबाट प्रतिस्पर्धामा अन्य तीन फाइनलिस्टलाई जितेकी थिइन् ।

बेलायतको लिड्स शहरमा एक ‘स्ट्रक्चरल इन्जिनियर’ का रुपमा कार्यरत छन् सेलिना । आफूले आर्जन गरेको ज्ञान र सीपलाई तिखार्न यो अवार्ड प्रतिस्पर्धाले महत्वपूर्ण भूमिका खेलेको उनले बताइन् । ‘आईसीई इमर्जिंग ईन्जिनियर्स पुरस्कार मेरो लेखन क्षमता र प्रस्तुतीकरण कौशल विकास गर्ने उत्कृष्ट अवसर हो’ उनले भनेकी छन् ‘यसले म मा ठूलो आत्मविश्वास बढाउने काम पनि भएको छ ।’

विश्वभरका उम्मेदवारहरुले प्रस्तुत गरेको पेपर मध्ये अन्तिममा चार जना छनौटमा परेका थिए । यसपटक कोभिड १९ का कारण प्रस्तुती भिडियो लिंकबाट गरिएको थियो ।