Sansar News
अमेरिकाको न्युर्योकस्थित ज्याक्सन हाइटमा रहेका पशुपति श्रेष्ठले नेपालका सुरेश लामालाई १ लाख बढी आर्थिक सहयोग पठाएका छन् ।
ज्याक्सन हाईट ४०-०८-७६ स्ट्रीट रोसभेल्ट एभिन्यु नजिक बुद्ध ट्याक्स एण्ड एकाउन्टिङ्ग संचालन गर्दै आएका समाजसेवी श्रेष्ठले हालै नेपालमा संचालन भइरहेको वाई-वाई नेपाल स्टारमा टप ५ हुन सफल भएका काठमाडौंका लामालाई १ लाख १ हजार १११ रुपैयाँ आर्थिक सहयोग पठाएका हुन् ।
उक्त रकम लामालाई वरिष्ठ गायक रामकृष्ण ढकालमार्फत हस्तान्तरण गरिएको थियो ।
सुरेश लामाको गायकी कलाबाट प्रभावित भएका श्रेष्ठले लामाले भोली देशकै इज्जत राख्न सफल हुने विश्वास आफूले लिएको बताए । उनले लामालाई सहयोग गर्न पाउँदा आफूलाई निकै खुसी लागेको समेत बताएका छन् ।
उक्त सहयोगका लागि समन्वय गरेका न्युयोर्कका समाजसेवी केशवराम राईलाई पनि श्रेष्ठले धन्यवाद दिएका छन् ।
श्रेष्ठले सुरेश लामालाई मात्र नभएर न्यूयोर्कमा भएका विभिन्न नेपाली संघसंस्था लगायत बिभिन्न देश र ठाउँहरुमा समस्या परेका नेपालीहरुलाई सहयोग गर्दै आएका छन् ।
वि.सं.२०७७ माघ १४ बुधवार १५:३६ मा प्रकाशित
