हामी सबैकाे संसारन्यूज

माघ १६, काठमाडौं । विभाजित नेकपाका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीबाट आफुँमाथि निरन्तर अत्याचार भईरहेको बताएका छन् । शुक्रबार आफुँ पक्षीय नेकपाको आम शभालाई विराटनगरमा सम्बोधन गर्दै उनले जनतासँग न्याय गरिदिन माग गरे ।

प्रधानमन्त्रीले निरन्तर आफुँ र आफ्ना सन्तानप्रति गलत टिप्पणी गरिरहेको भन्दै प्रचण्डले आफुँमाथि निरन्तर अत्याचार भईरहेको बताए । सभामा उनले आफ्नो दोष देखाउन आग्रह गरेका थिए ।

‘म नपुंशक भईन्, म निसन्तान भईन्, के निसन्तान नहुनु मेरो दोष हो ?’, प्रचण्डले भने, ‘आदरणीय जनसमुदाय, म तपाईहरुसँग न्याय चाहन्छु, यो अत्याचार हुन लाग्यो, केपी ओलीले अत्याचार गर्न खोजे ।’

ओलीले शान्ति र परिवर्तनवादीको हुर्मत लिन खोजेको प्रचण्डको भनाई छ ।

‘जसले यो देशलाई शान्ति र समृद्धिको एउटा नयाँ युगतिर लान पहल गर्यो, जसले त्याग र बलिदानका किर्तिमान कायम गर्यो, त्यसलाई हुर्मत लिने, त्यसलाई अपमानीनत गर्ने भनेको कसलाई सम्मानित गर्ने ?’, उनको प्रश्न छ, ‘राजा, महाराजा र तिनका दलालहरुलाई सम्मान गर्ने सही हो ? म तपाईँहरुसँग प्रश्न गर्न चाहन्छु ।’