हामी सबैकाे संसारन्यूज

१.
तिमी बिऊ बिजन, म लगानी बनुँला
तिमी खडेरी भए, म पानी बनुँला
तिमी र म संगै एकै ठाउँ बस्ने बेला,
तिमी ठेकिको दही, म मदानी बनुँला ।

२.
कहिले हावा त कहिले हुरी आउँछ
मै माथि घरिघरि कठिन मज्बुरी आउँछ
मेरो पीडा देखेर साथीहरुले धेरै उपहार दिए,
कहि चुरोट, रक्सी त कहि बाँसुरी आउँछ ।

३.
उपहार दिएथे फुलको थुङ्गा नाघेर गईन् उनी
हानेर मेरै छाती माथि ढुङ्गा नाघेर गईन् उनी
मृग तृष्णाझै तिर्खाएको माया थियो मेरो,
बिष मिसाएर जल गंगा नाघेर गईन् उनी ।

४.
राम्रो मान्छेले दिएको अभ्यास चाहान्छु
रोएको मन सम्झाउन उपन्यास चाहान्छु
पाप भरिएर पोखिदैछ समाज भित्र,
निच दरिन्दाहरुको सर्वनास चाहान्छु ।

५.
तयार छु दुश्मनसंग युद्धको लागि
नेपाल आमा र गौतम बुद्धको लागि
काट्नै परे काट्छु दुष्टहरुका गला,
शान्ति, समुन्नती र समृद्धको लागी ।