हामी सबैकाे संसारन्यूज

२६ माघ, अमेरिका । नेपाली काँग्रेसको प्रवासस्थित भातृसंस्था नेपाली जनसम्पर्क समिति अमेरिकाले गैरआवासीय नेपालीसंघ (एनआरएनए) राष्ट्रिय समन्वय परिषद्(एनसीसी)को सदस्यता तोकिएको समयभित्रै लिन सबैमा आग्रह गरेको छ ।

समितिका महासचिव मुनिन्द्र नेम्बाङले प्रेस विज्ञप्ति जारी गर्दै एनआरएनए एनसीसी अमेरिकाको यहि फ्रेबुअरी २३ मा हुन गैरहेको महाधिवेशनमा सक्रिय सहभागिताका निम्ति सदस्यता नविकरण र वितरण गर्ने मिति फ्रेबुअरी १५ सम्म तोकिएको हुँदा सो समयभित्रै सदस्यता लिइदिन संस्थामा आबद्ध शुभेच्छुक, साधारण, क्रियाशिल सदस्य एवम् सम्पूर्ण अमेरिकावासी नेपालीमा अनुरोध गरेका छन् ।

फ्रेबुअरी ७ तारीखमा नेपाली जनसम्पर्क समिति अमेरिकाको सभापति आनन्द बिष्टको अध्यक्षतामा समितिका सल्लाहकार, च्याप्टरका सभापति, अमेरिकामा रहेका नेका केन्द्रीय विभागका सदस्यहरू र कार्यसमितिको संयुक्त जुम बैठकले एनआरएनएको बिषयमा छलफल भै निर्णय भएअनुसार महासचिव नेम्वाङले सो आग्रह गरेका हुन् ।

एनआरएनए गैरआवासीय नेपालीको हक अधिकारको बारेमा र समग्र नेपालीहरूको सरोकारको बिषयहरूमा आवाज उठाउने एउटा आधिकारिक साझा संस्था भएको उल्लेख गर्दै यस संस्थाबाट नीतिगत तहमा हुने काम कारवाही सधैं विवाद रहित र पारदर्शी बनाउनका लागि, सबैको भावनाको प्रतिनिधित्व र सम्बोधन हुने वातावरणको सृजना गर्न र संस्थालाई सशक्त, मजबूद एकतावद्ध तथा सबै अटाउने बृहत साझा संस्था बनाउनका लागि अमेरिकामा रहेका नेपाली समुदायमा कृयाशील र स्थापित संघसंगठनहरूको गहन भूमिका रहने विज्ञप्तिमा जनाइएको छ ।

उक्त जुम बैठकले यही माघ २१ गते, वैतडी दोगडा केदार गाउँपालिकाकी १२ कक्षामा अध्ययनरत १७ बर्षीया भागरथी भट्टको बलात्कार गरि अमानवीय तवरले जघन्य हत्या गरेको घटनाप्रति घोर निन्दा र भत्सर्ना समेत गरेको छ । बैठकले यस्ता बर्बर र अपराधिक घटनामा संलग्न दोषीलाई अविलम्ब पक्राउ गरी कानुन बमोजिम हदैसम्मको कारवाही गर्नसमेत सरकारसँग जोडदार माग पनि गरेको छ ।