हामी सबैकाे संसारन्यूज

काठमाडौं । सिजन मिडियाद्वारा आयोजित बिबाहित महिलाहरुमा केन्द्रित “ लेट मि इन मिसेस ब्यूटी क्वीन नेपाल २०२१” चौथो संकरणमा २३ प्रतियोगीहरु छनौट भएका छन् ।

बिबाहित महिलाहरुले प्रतिस्पर्धा गर्ने यो प्रतियोगितालाई सिजन मिडियाले निरन्तरता दिँदै चौथो संस्करणका लागि तयारी पूरा भएको सिजन मिडियाले जानकारी दिएको छ ।

सिजन मिडियाका अनुसार ‘महिलाहरुको व्यक्तित्व विकास, आत्मविश्वास अभिवृद्धि, वाक कला तथा नेतृत्वदायी क्षमताको विकास साथै त्यसको आवश्यकताको महसुस गरि सोही अनुरुप त्यसको उपयोगिताबारे मार्ग निर्देशन दिंदै समाज एउटा सक्षम महिला र जिम्मेवार व्यक्तिको रुपमा अगाडि वढाउन सहयोग गर्ने हेतुले यो कार्यक्रम आयोजना गरेको हो ।

विगत एघार वर्षदेखि काठमाडौंमा रहेर राष्ट्रिय तथा अन्तर्राष्ट्रिय क्षेत्रमा विभिन्न सामाजिक सांस्कृतिक तथा मनोरञ्जनात्मक कार्यक्रमहरु गर्दै आएको मिडियाले विगत ४ वर्षदेखि निरन्तर रुपमा यो प्रतियोगितात्मक कार्यक्रम गर्दै आएको छ ।

छनौट भएका प्रतियोगीहरुलाई माघ १८ गते देखि प्रशिक्षण दिइरहेको छ । सो क्रममा शारारीरिक फिटनेश, जुम्वा, एरोविक्स, सेल्फ डिफेन्स, सेल्फ मेकअप, फोटो सेसन, टेवल म्यानर, व्यक्तित्व विकास सम्वन्धी पनि प्रशिक्षण दिँदै तथा हिड्न वोल्न साथै प्रश्न उत्तर सिकाइँदै छ ।

विभिन्न सामाजिक संस्थाहरुको बारेमा अन्तरक्रिया तथा जानकारी प्रदान गरिने छ । स्टेज पर्फमेन्स क्याटवाक आदि लगायतका विधामा भने कोरियोग्राफर रोजीन शाक्यले गु्रमिङ गरिरहेकी छिन् ।

यो कार्यक्रम यहि फागुन १७ गते सम्पर्न हुनेछ । कार्यक्रममा सहभागी भएर प्रथम हुनेलाई लेट मि इन मिसेज व्यूटी क्वीन नेपाल २०२१ को ताजसहित फ्रिज तथा सिंगापुर भ्रमणका लागि हवाइ टिकट प्रदान गरिने छ भने फष्ट रनरअप र सेकेन्ड रनरअपलाई पनि क्रमशः टिभि ,भ्याकुम र सिंगापुर भ्रमणका लागि हवाई टिकट प्रदान गरिने छ ।

तीन जना विजेतालाई लेट मिइनको तर्फवाट ५० हजार वरावरको गिफ्ट भौचर प्रदान गरिने छ । यस बाहेक अन्य विभिन्न १७ विधामा पनि उपविजेता छनौट गरिनेछ । विजेताहरुलाई विभिन्न अन्तर्राष्ट्रिय प्रतियोगितामा सहभागी गराइने छ ।