७ फागुन, अमेरिका । अमेरिकाको टेक्सास राज्यमा एक नेपाली विद्यार्थीको निधन भएको छ । टेक्सासको ह्युष्टनमा २३ वर्षीय नेपाली विद्यार्थी प्रमोद भट्टराईको मंगलबार सुतेकै अवस्थामा निधन भएको हो ।

भट्टराई ६ वर्ष अगाडि अमेरिका आएको प्रमोद ह्युसटन स्थित एक कलेजमा कम्प्युटर साइन्सको विद्यार्थी रहेका थिए । उनको मृत्युको कारण भने खुलेको छैन ।

टेक्सासमा हिमआँधीका कारण विद्युत आपूर्तिमा अवरोध उत्पन्न भएपछि सोमबार राती उनी बाहिर साथीसँग मिलेर वार्वीक्यु पार्टी गरी सुत्न गएका थिए । मंगलवार बिहान साथीले उनलाई मृत अवस्थामा कोठामा फेला पारेका थिए ।

नेपालमा रहेका आफन्तहरुले उनको शव नेपालमा पठाउने व्यवस्था मिलाउन आग्रह गरेपछि गो फण्डले शव नेपाल पठाउन सहयोग उठाइरहेको छ । डा. परशुराम दाहालका अनुसार २० हजार सहयोग उठाउने लक्ष्यका साथ सहयोग गो फण्ड अभियान सुरु गरिएको छ ।
नेप्लिज एशोसिएसन ह्युसटनले पनि भट्टराईका लागि सहयोग जुटाइरहेको छ ।

त्यस्तै झापाली सोसाइटी टेक्सासका तर्फबाट आर्थिक संकलन अभियान सुरु गरेको छ । प्रमोद झापा बुधवारेका धनबहादुर भट्टराई र इन्दिरा भट्टराईका सुपुत्र हुन् ।

Help Return Pramod Bhattarai’s Body to Nepal