हामी सबैकाे संसारन्यूज

फागुन २१, काठमाडौं । नेपाल कम्युनिष्ट पार्टी (नेकपा)को प्रचण्ड–नेपाल पक्ष र प्रमुख प्रतिपक्षी दल नेपाली कांग्रेसको संसदीय दलको बैठक सिंहदरबारमा सुरु भएको छ । प्रचण्ड–नेपाल पक्ष र कांग्रेसको बैठक बेग्ला–बेग्लै स्थानमा दिउसो केहिबेर अघिदेखि सुरु भएको हो ।

आजको बैठकमा दुवै पक्षले आगामी संसद बैठकमा कसरी प्रस्तुत हुने भन्नेबारे निर्णय गर्नेछन् ।

यसअघि बिहिबार बसेको कांग्रेस पदाधिकारी बैठका संसद बैठकबारे छलफल भएको थियो । सो बैठकले गरेका निर्णयका आधारमा संसदीय दलको बैठक बोलाइएको हो ।

यता प्रचण्ड–नेपाल पक्षको केन्द्रीय समिति बैठकले प्रधानमन्त्री केपी शर्मा ओलीसहित उनी पक्षीय नेताहरुलाई कारबाही गर्ने निर्णय गरेको थियो । जसको जानकारी बिहिबार नेकपाले संसद सचिवालयमा गराएको थियो । जुन प्रक्रियाहरु पुरा भएपश्चात नै प्रचण्ड–नेपाल पक्षले संसदीय दलको बैठक बोलाएको हो ।

जनाइएअनुसार आजको बैठकमा दुवै पक्षले अविश्वासको प्रस्तावबारे निर्णय गर्नसक्नेछन् । जनाइएअनुसार प्रचण्ड–नेपाल पक्ष र कांग्रेसबीच प्रधानमन्त्री केपी शर्मा ओलीविरुद्व साझा रुपमा अविश्वासको प्रस्ताव दर्ता गर्ने भित्रि सहमती भईसकेको छ ।