Sansar News
फागुन २५, काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ नेपाली कांग्रेसका सभापति शेरबहादुर देउवालाई भेट्न उनको निवास पुगेका छन्। माओवादी केन्द्रको स्थायी कमिटी बैठक सकिए लगत्तै उनी देउवा निवास बूढानीलकण्ठ पुगेका हुन् ।
जनाइएअनुसार उनीहरुबीच सम्भावित सत्ता समीकरणबारे कुराकानी भएको बुझिएको छ ।
मंगलबार बसेकाे माओवादी केन्द्रकाे स्थायी समिति बैठकले सत्ता सहकार्यका लागि कांग्रेस र जनता समाजवादीसँग वार्ता गर्ने निर्णय गरेकाे थियाे ।
माओवादीले प्रधानमन्त्रीलाई दिएको समर्थन फिर्ता लिए उनले विश्वासको मत लिनुपर्नेछ ।
वि.सं.२०७७ फागुन २५ मंगलवार १८:०५ मा प्रकाशित
