Sansar News
३ चैत, काठमाडौं । प्रतिनिधिसभाको सातौ अधिबेशनको तेस्रो बैठक आज बस्ने भएको छ ।
सर्वोच्च अदालतले प्रतिनिधिसभा विघटनको सिफारिसलाई बदर गर्दै १३ दिनभित्र सातौं अधिबेशनको बैठक बोलाउन आदेश दिएपछिको आज १ बस्ने संसदको यो बैठक तेस्रो हो ।
संसद् सचिवालका अनुसार आज बस्ने बैठकको सम्भावित कार्यसूचीमा २०७० सालमा संविधानसभा सदस्यमा निर्वाचित भएका दिनेशचन्द्र यादवको निधनमा शोक प्रस्ताव पारित गर्ने छ ।
सर्वोच्चको आदेशपछि संसदको पहिलो बैठक फागुन २३ गते बसेको थियो । उक्त बैठकमा सरकारका तर्फबाट अध्यादेश पेश गर्न लाग्दा प्रमुख प्रतिपक्षी दल कांग्रेसले विरोध गरेपछि दोश्रो बैठक फागुन २६ गतेलाई सारिएको थियो ।
फागुन २६ गते बसेको दोस्रो बैठकमा पूर्व सांसद तथा बहालवाला सांसदको निधनमा शोक प्रस्ताव पास गर्दै बैठक तेस्रो बैठक फागुन ३ गतेलाई तोकिएको थियो ।
वि.सं.२०७७ चैत ३ मंगलवार ०९:५९ मा प्रकाशित
