हामी सबैकाे संसारन्यूज

४ चैत, काठमाडौँ । भारत र इंल्याण्ड बिच अहादाबादमा भएको तेस्रो टि-२० भारत ८ विकेटले पराजित भएको छ ।

टस हारेर पहिले ब्याटिङ्ग गरेको भारतले २० ओभरमा ६ विकेट गुमाएर १५६ रन बनाएको थियो । भारतका लागि ब्याटिङ्गमा कप्तान विराट कोहलीले सर्वाधिक ७७ रनको पारी खेलेका थिए । त्यसक्रममा उनले ८ चौका र ४ छक्का प्रहार गरेका थिए । इंल्याण्डका लागि बलिङ्गमा भने मार्क वुडले उत्कृष्ट बलिङ्ग गर्दै ४ ओभरमा ३१ रन खर्चेर सर्वाधिक ३ विकेट लिएका थिए ।

भारतले दिएको १५७ रनको लक्ष्य इंल्याण्डले १८.२ ओभरमा २ विकेट गुमाएर पुरा गर्यो । इंल्याण्डका लागि जस बटलरले ५२ बलमा ८३ रनको विस्फोटक पारी खेलेका थिए । त्यसैगरी जोनी बेयरस्टोले पनि २८ बलमा ४० रनको पारी खेलेका थिए । भारतका लागि बलिङ्गमा युजवेन्द्र चाहल र वाशिङ्टन सुन्दरले समान १/१ विकेट लिएका थिए ।

जितसँगै इंल्याण्डले ५ खेलको टि-२० श्रृखलामा २-१ ले अग्रता लिएको छ ।