हामी सबैकाे संसारन्यूज

काठमाडौं । सरकारले कोरोना महामारीबाट प्रभावित होटल तथा रेस्टुरेन्ट व्यवसायीलाई केही राहत दिने घोषणा गरेको छ ।

सरकारले विभिन्न समयमा बसेको मन्त्रिपरिषदका निर्णयहरू बिहिबार सार्वजनिक गर्दैै सरकारका प्रवक्ता एवम् सञ्‍चार तथा सूचना प्रविधिमन्त्री पार्वत गुरुङले उद्योगले लकडाउन अवधिमा तिर्नुपर्ने विद्युत् शुल्क शतप्रतिशत मिनाहा गरिने जानकारी गराएका हुन् ।

मन्त्री गुरुङका अनुसार सरकारले कोभिड संक्रमण जोखिम न्यूनीकरण गर्न बन्दाबन्दी घोषणा गरेको मिति २०७६ चैत ९ गतेदेखि २०७७ भाद्र मसान्तसम्म होटल उद्योगले भुक्तानी गर्नुपर्ने विद्युतको शुल्क शतप्रतिशत मिनाहा गरेको छ भने असोज १ गतेदेखि माघ मसान्तसम्मको विद्युत् शुल्कमा ५० प्रतिशत छुट दिने निर्णय गरेको छ ।

तत्कालिन पंचायती शासन व्यवस्था विरोधी आन्दोलनमा सहभागी भएका कारण सरकार पक्षबाट हत्या भएका झापा जिल्ला विर्तामोड न.पा ९ का चन्द्र डाँगी र बुद्धशान्ति गा.पा १ का रामप्रसाद प्रधानलाई शहिद घोषण गर्ने निर्णय गरिएको पनि मन्त्री गुरुङले जानकारी गराए ।

मन्त्रिपरिषदको फागुन २०, २५, चैत १ र ५ गते बसेको बैठकले गरेको ३५ निर्णय सार्वजनिक गरिएको मन्त्री गुरूङले जानकारी दिए।

यी हुन् सरकारले गरेका निर्णयहरुः