Logo
२४ श्रावण २०७९, मंगलवार
     Tue Aug 9 2022
E-paper
  English Edition
   Unicode
Logo

इँटाभट्टाबाट फर्काइए दुई बालक



१९ माघ,लिबाङ (रोल्पा) । महिला तथा बालबालिका कार्यालयअन्तर्गत रहेको जिल्ला बालकल्याण समिति रोल्पाले काठमाडौँको इँटाभट्टाबाट फर्काइएका दुई बालकलाई मङ्गलबार एक कार्यक्रमकाबीच अभिभावकको जिम्मा लगाएको छ ।

काठमाडौँस्थित बालविकास समाजमार्फत उद्धार गरिएका हार्जङ–५, रोल्पाका १४ वर्षीय शङ्कर विक र गैरीगाउँ–५ रोल्पाका १४ वर्षीय दीपक डाँगीलाई अभिभावकको जिम्मा लगाइएको हो ।

घरबाट भागेर नाइकेमार्फत काठमाडौँ पुगेका ती दुवै बालक केही महिना पहिलेदेखि इँटाभट्टामा जोखिमपूर्ण काममा संलग्न रहेका थिए । महाशक्ति इँटा उद्योग भक्तपुरका प्रोपाइटर कृष्णप्रसाद सुवालले काममा संलग्न दुई बालक विक र डाँगीलाई भक्तपुर प्रहरीको जिम्मा लगाएपछि बालविकास समाजमार्फत बालकलाई अभिभावकको जिम्मा लगाइएको बालविकास समाज काठमाडौँका कार्यक्रम सुपरभाइजर विदुर नेपालले जानकारी दिनुभयो ।

यसरी फर्काइएका डाँगीले प्रावि रानागाउँमा कक्षा ४ सम्म पढेर बीचमै पढाइ छोडेका थिए भने विक निरक्षर छन् । उनले सामान्य क, खसम्म पनि चिनेका छैनन् । डाँगीलाई पुनः विद्यालय भर्ना गराउने निर्णय भएको छ । आर्थिक अभावमा पिल्सिएका डाँगीलाई ‘सेभ द चिल्ड्रेन’को सहयोगमा शैक्षिक सामग्री उपलब्ध गराउने दिलकमल क्षेत्रीले बताउनुभयो ।

कार्यक्रममा महिला विकास अधिकृत लोकेन्द्र आचार्यले डाँगीलाई बालविकास समाज काठमाडाँैले उपलब्ध गराएको कापीकलम हस्तान्तरण गर्नुभएको थियो ।

कार्यक्रममा बालकल्याण समिति रोल्पाका बाल संरक्षण निरीक्षक कपिलदेव भण्डारी, हुरेक रोल्पाका हस्तबहादुर घर्तीमगर लगायतको उपस्थिति रहेको थियो ।


यो खबर पढेर तपाईलाई कस्तो महसुस भयो ?

काठमाडौं । चक्रपथभित्र खाली जग्गा पाउन मुस्किल छ । बढ्दो सहरीकरणका कारण खाली जग्गासमेत

प्रेम, परियार नर्वे । प्रवासी नेपाली एकता मन्च नर्वेले आयोजना गरेको मैंत्रीपूर्ण टि –१०

काठमाडौं । काठमाडौं महानगरपालिकाका प्रमुख बालेन्द्र साहले थापाथलीस्थित नर्भिक अस्पताललाई २४ घण्टे निर्देशन दिएका

नवलपुर– पढाईमा उत्कृष्ट हुन थालेपछि नवलपुरमा निजी छाडेर सरकारी विद्यालय रोज्ने बढ्न थालेका छन्

काठमाडौं । पर्वतको जलजला गाउँपालिका धाइरिङ ७ मा विद्युतीय दुर्घटनामा परेर १ जनाको मृत्यु