१७ चैत, काठमाडौं । पूर्व प्रधानमन्त्री तथा नेकपा एमालेका वरिष्ठ नेता माधव कुमार नेपाल एवं उपाध्यक्ष भिम रावललाई पार्टी सदस्यबाट ६ महिना निलम्बन गर्ने केपी ओलीको निर्णयलाई खारेज गर्दै एमालेका ११ नेताले संयुक्त वक्तव्य निकालेका छन् ।
माधव समुहको मंगलबार बसेको स्थायी कमिटीको बैठक लगत्तै जारी वक्तव्यमा केपी शर्मा ओलीबाट भएका देश, जनता र पार्टीको हित विपरितका क्रियाकलापका विरुद्ध तथा पार्टीको क्रान्तिकारी सिद्धान्त र विचारको पक्षमा दृढतापुर्वक एकताबद्ध रुपमा संगठित भई देशव्यापी रुपमा सक्रिय हुन आव्हान समेत गरिएको छ ।
वक्तव्य जारी गर्नेहरुमा वरिष्ठ नेता माधव कुमार नेपाल, झलनाथ खनाल, उपाध्यक्षहरु युवराज ज्ञवाली, अष्टलक्ष्मी शाक्य, भिम रावल, उपमहासचिव घनश्याम भुसाल, सचिव भिम आचार्य, गोकर्ण विष्ट, योगेश भट्टराई तथा स्थायी समिति सदस्यहरु मुकुन्द न्यौपाने र सुरेन्द्र पाण्डे रहेका छन् ।
उनीहरुद्धारा जारी वक्तव्यमा भनिएको छ–पद र शक्ति प्राप्त भएपछि केपी शर्मा ओलीबाट निरन्तर नेपाल र नेपाली जनताको हितमा आघात पुर्याउने, राष्ट्रिय स्वाधीनता, स्वतन्त्रता, अखण्डता र स्वाभिमानमा आँच पुर्याउने एवं भ्रष्टाचार र अनियमित कार्यहरुको चांग लागेको बताइएको छ ।
यस्तो छ वक्तव्यको पुर्णपाठ
वि.सं.२०७७ चैत १७ मंगलवार १७:४० मा प्रकाशित