Sansar News
१८चैत्र, काठमाडौं । नेपाल–बंगलादेश बैंकले नेपाल राष्ट्र बैंकद्वारा जारी गरिएको अन्तर्राष्ट्रिय प्रिपेड डलर कार्डसम्बन्धी परिपत्रअनुसार एनबी अनलाइन कार्ड सञ्चालनमा ल्याएको छ ।
यस सुविधाअन्तर्गत ग्राहकहरूले आफ्नो प्यान कार्डबाट खाता खोली अमेरिकन डलर पाँच सय बराबरको डलर कार्ड प्राप्त गर्न सक्ने बैंकले जनाएको छ ।
उक्त कार्डमार्फत भारतबाहेकका मुलुकबाट नेपालको प्रचलित कानुनले प्रतिबन्ध नलगाएका विदेशी वस्तु तथा सेवा खरिद गर्दा भुक्तानी गर्न सकिनेछ ।
उच्च शिक्षा हासिल गर्न चाहने विद्यार्थीका निम्ति विदेशबाट मगाइने आई–ट्वेन्टीका लागि पनि उक्त कार्डबाट भुक्तानी गर्न सकिनेछ ।
साथै सामाजिक सञ्जालमार्फत आफनो व्यवसाय प्रवर्द्धनका लागि पनि उक्त कार्डबाट भुक्तानी गर्न सकिनेछ ।हालसम्म बैंकले ९९ शाखा, ७ एक्सटेन्सन काउन्टर, तथा ८२ वटा एटिएमबाट बैंकिङ सुविधा दिँदै आएको छ ।
वि.सं.२०७७ चैत १८ बुधवार १५:१४ मा प्रकाशित
