हामी सबैकाे संसारन्यूज

१८ चैत, काठमाडौं । बैदेशिक रोजगार विभागले विदेश जाने नेपाली कामदारले नक्कली वायो मेट्रिक प्रयोग नगर्न भन्दै सचेत गराएको छ ।

वैदेशिक रोजगारमा जानुपूर्व तोकिए बमोजिमको अभिमुखीकरण तालिम लिनुपर्ने स्पष्ट व्यवस्था रहेको र अभिमुखीकरण तालिम दिने संस्थाले तोकिएको सम्बन्धीत व्यक्तिको बायोमेट्रिक हाजिर गराइ बैदेशिक रोजगार बोर्डले स्वीकृत गरेको पाठ्यक्रम अनुसार तालिम दिइ हाजिर विवरण पठाउने व्यवस्था रहेको छ । तर, पछिल्लो समय तालिम नलिई प्रमाणपत्र लिने÷दिने गरिएको, तोकिएको समयभित्र तालिम नलिएको तथा अर्कै व्यक्तिको बायोमेट्रिक हाजिर रेर्कड गराएको हुनाले विभागले कामदारको वायोमेट्रिक स्वयम्् व्यक्तिको उपस्थितिमा म्याच गराउँदा आधिकारिक नभएको भन्दै सचेत गराएको हो ।

यस्तो अवस्थामा बैदेशिक रोजगारमा जाने कामदारलाई विभिन्न असर पर्ने विभागले जनाएको छ ।

विभागका अनुसार नक्कली वायोमेट्रिक प्रयोग गर्दा इन्स्योरेन्स तथा कल्याणकारी कोषबाट प्राप्त हुने सुविधाबाट बन्चित हुन सक्ने, बायोमेट्रिक नमिल्दा विदेशबाट पुनः श्रम स्वीकृति प्राप्त गर्न कठिन हुने तथा गन्तव्य मुलुक सम्बन्धी जानकारी, बैदेशिक रोजगार सम्बन्धी कानुन तथा अन्य आवस्यक कानुन सम्बन्धी जानकारी, सुरक्षित रोजगारी तथा अन्य हक अधिकारका विषयबाट समेत बन्चित हुनेमा पनि विभागले सचेत गराएको छ ।