Sansar News
२० चैत्र, काठमाडौं । कामना सेवा विकास बैंक आर्थिक वर्ष २०७५/७६ मा समेत मध्यमस्तरीय उत्कृष्ट करदाताको रुपमा सम्मानित भएको छ ।
कर दिवसको अवसरमा विगत वर्षहरुमा जस्तै यस वर्ष पनि आन्तरिक राजस्व विभागद्वारा मध्यमस्तरीय करदाता कार्यालयको कार्यक्षेत्रभित्र पर्ने करदातामध्ये सबैभन्दा बढी आयकर दाखिला गरेको कामना सेवा विकास बैंकलाई उक्त मध्यमस्तरीय उत्कृष्ट करदाताकोरुपमा सम्मानित गरिएको हो ।
बैंकका प्रबन्धक दिमश अमात्यलाई अर्थमन्त्रि विष्णु प्रसाद पौडेलले सम्मान स्वरुप कदर पत्र प्रदान गरे ।बैंकले आर्थिक वर्ष २०७४/७५ मा पनि आन्तरिक राजस्व विभागद्वारा सबैभन्दा बढी आयकर दाखिला गरेवापत सम्मान प्रदान गरिएको थियो ।
आन्तरिक राजस्व विभागले हरेक वर्ष राष्ट्रिय कर दिवसको अवसर पारेर विभिन्न विधाहरुमा कदर स्वरुप उत्कृष्ट करदाताहरुलाईसम्मान प्रदान गर्दै आइरहेको छ ।
वि.सं.२०७७ चैत २० शुक्रवार १५:३० मा प्रकाशित
