Logo
१४ असार २०७९, मंगलवार
     Tue Jun 28 2022
E-paper
  English Edition
   Unicode
Logo

आवस्यक परे कांग्रेस सरकारको नेतृत्व लिन तयार छ–महामन्त्री कोइराला



२१ चैत, उदयपुर । नेपाली कांग्रेसका महामन्त्री शशांक कोइरालाले आवस्यक परे नेपाली कांग्रेसले सरकारको नेतृत्व लिन तयार रहेको बताएका छन् ।

उदयपुरको गाइघाटमा शनिबार आयोजित नेपाल राष्ट्रिय मगर सङ्घ प्रदेश नं १ को भेलामा महामन्त्री कोइरालाले मुलुकको पछिल्लो अन्यौलता तथा विद्यमान राजनीतिक समस्या समाधानका लागि नेपाली कांग्रेसले सरकारको नेतृत्व लिन तयार रहेको बताएका हुन् ।

उनले नेकपा फुटेर एमाले र माओवादी झगडामा लागेपछि देशमा राजनीतिक संकट सँगै सरकार पनि संकटमा परेको बतउँदै यस्तो अवस्थामा कांग्रेसले मात्रै देशलाई निकास दिन सक्ने दावी समेत गरेका थिए ।

‘पाँच वर्षका लागि कम्युनिष्टलाई जनताले मतदान गरेर बहुमत दिई सत्तामा पु¥याएका कारण कांग्रेसले प्रतिपक्षको मात्र धर्म निर्वाह गर्दै आएको छ तर अहिले देशको अवस्था झनै जटिल बन्दै गएकाले कांग्रेस सरकारको नेतृत्व लिन तयार रहेको छ’, महामन्त्री कोइरालाले भने ।

महामन्त्री कोइरालाले कांग्रेस सभापति शेरबहादुर देउवाको नेतृत्वमा अबको सरकार बन्न सक्ने र देशलाई निकाश दिएर आवश्यक परे ताजा जनादेशमा गई राजनीतिक निकास दिने समेत बताए ।

प्रधानमन्त्री ओली नेतृत्वको सरकारलाई समर्थन पनि नगर्ने र सरकारमा पनि नजाने बताउँदै आएको नेपाली कांग्रेसले पछिल्ला केहि दिनयता माओवादी र राजपाले ओली सरकारलाई आफ्नो समर्थन छैन भन्ने तर औपचारिक रुपमा समर्थन फिर्ता लिएको घोषणा नगर्दा थप राजनीतिक जटिलता बढ्दै गएको बताउँदै आएको छ ।

त्यस्तै प्रवक्ता विश्वप्रकाश शर्माले माओवादी र राजपाले सरकारलाई दिएको समर्थन फिर्ता लिएको औपचारिक घोषणा गरेमा नयाँ सरकार गठनको प्रक्रिया अगाडि बढ्ने पनि बताउँदै आएका छन् ।


यो खबर पढेर तपाईलाई कस्तो महसुस भयो ?

पोर्चुगल । रोजगारीका लागि पोर्चुगल पुगेका रुपन्देहीका युवाको त्यहाँ पुगेको केही दिनमै निधन भएको

काठमाडौं । रुस र युक्रेनबीचको युद्ध पाँचौं महिनामा चलिरहेको छ । लम्बिदोँ युद्धमा रुस

असारको पहिलो साता  बागबजारका २ जनामा देखिएको हैजा त्यसको एकसातामै १२ जनामा पुष्टि भएको

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा