हामी सबैकाे संसारन्यूज

२४ चैत, काठमाडौंं । नेकपा माओवादी केन्द्रबाट सांसद चुनिएका चार सांसदको पद निलम्बनमा परेकाे छ । पार्टीले उनीहरुलाई निलम्बन गरेको पत्र संसद सचिवालयमा दर्ता गराएको पार्टी प्रमुख सचेतक देव गुरुङले जानकारी दिए ।

निलम्बनमा पर्ने सांसदहरुमा टोप बहादुर रायमाझी, लेखराज भट्ट, प्रभु शाह र गौरी शंकर चौधरी रहेका छन् । प्रमुख सचेतक गुरुङका अनुसार उनीहरुलाई पार्टीको साधरण सदस्य र सांसद समेत नरहने गरी पार्टीले कारबाही गरेको पत्र संसद सचिवालयमा दर्ता गरिएको छ ।

केपी ओलीले संसद विघठन गरेपछी माओवादी केन्द्र र एमालेको नेपाल समुहले आफ्नो मन्त्रीहरुलाई फिर्ता बोलाएकोमा उनीहरु प्रचण्डको साथ छोडेर केपी ओली नेतृत्वको सरकारमा मन्त्री बनेका थिए । उनीहरुलाई पार्टीले स्पष्टीकरण सोधेकोमा केहि जवाफ नदिए पछी कारवाही गरेको हो ।

उता राष्ट्रिय सभाको सदस्य रहेका मन्त्री रामबहादुर थापा बादललाई कारबाही गरेको पत्र भने माओवादीले सचिवालयमा दर्ता गराइसकेको छैन ।