Sansar News
२९ चैत, काठमाडौं । नेपाली कांग्रेसको पदाधिकारी बैठक सानेपामा बस्दैछ ।
दिउँसो २ बजे बस्ने भनिएको उक्त पदाधिकारी बैठकमा १४ औं महाधिबेशनका बारेमा छलफल हुने बताइएको छ । कांग्रेसले भदौ ७ देखि १४ औं महाधिवेशन गर्ने कार्यतालिका बनाएको छ ।
बैठकमा नेपाली कांग्रेसका सभापति शेर बहादुर देउवाले तीन दलको बैठकमा गरेको कांग्रेस नेतृत्वमा नयाँ सरकार गठन प्रस्तावको विषयमा पनि छलफल हुने अनुमान गरिएको छ ।
सभापति देउवाले शुक्रबार बुढानिलकण्ठस्थित आफनै निवासमा शुक्रबार माओवादी केन्द्र, जनता समाजवादी पार्टीसँगको बैठकमा कांग्रेसको नेतृत्वमा नयाँ सरकार गठनका लागि प्रस्ताव गरेका थिए ।
वि.सं.२०७७ चैत २९ आइतवार १०:२७ मा प्रकाशित
