Sansar News
वैशाख ३, काठमाडौं । नेकपा (एमाले)को माधवकुमार नेपाल समूहले प्रधानमन्त्रीसमेत रहेका पार्टी अध्यक्ष केपी शर्मा ओलीको गृह जिल्ला झापामा समानान्तर कमिटी गठन गरेको छ । माधव समूहले शुक्रबार बिर्तामोडमा एक भेला गर्दे देवराज रेग्मीको नेतृत्वमा समानान्तर गठन गरेको हो ।
माधव पक्षले यसअघि देशका विभिन्न ६७ जिल्लामा समानान्तर कमिटी गठन गरिसकेको छ । बिर्तामोडमा भएको कार्यक्रममा नेता नेपाल स्वंय उपस्थित भएका थिए ।
सर्वोच्च अदालतको आदेशसँगै ब्यूँतिएको नेकपा (एमाले)मा प्रधानमन्त्रीसमेत रहेका पार्टी अध्यक्ष ओलीले एकलौटी गर्न थालेसँगै माधव समूहले समानान्तर कमिटी गठन थालेको थियो । माधव समूहले ओली पक्षले गत फागुन २८ र त्यसपछिका बैठकका गरेका एकलौटी निर्णयहरु खारेज गर्न माग गर्दै आएको छ ।
वि.सं.२०७८ वैशाख ३ शुक्रवार १६:०९ मा प्रकाशित
