Sansar News
३ बैशाख, काठमाडौं । बैशाख ६ र ७ गते देशैभरीका ६ देखि ५९ महिनाका बालबालिकालाई भिटामीन ए खुवाइने भएको छ ।
स्वास्थ्य मन्त्रालयले शुक्रबार एक सूचना जारी गर्दै आफ्ना नजिकका भिटामीन ‘ए’ वितरण केन्द्रमा पुगेर बालबालिकालाई भिटामीन ‘ए’ खुवाउन अनुरोध गरेको छ ।
मन्त्रालयले १२ देखि ५९ महिनाका बालबालिकालाई जुकाको औषधि र ६ देखि २३ महिनाका बालबालिकाका लागि बालभिटा पनि लिन अनुरोध गरेको छ ।
भिटामीन ‘ए’ खुवाउनका लागि केन्द्रमा जाँदा कोरोना सम्बन्धी जारी गरिएको स्वास्थ्यका मापदण्ड पालना गर्न पनि मन्त्रालयले अनुरोध गरेको छ ।
वि.सं.२०७८ वैशाख ३ शुक्रवार १६:०३ मा प्रकाशित
