हामी सबैकाे संसारन्यूज

४ बैशाख, काठमाडौं । प्रधानमन्त्री केपी शर्मा ओलीले आव्हान  गरेको आजको सर्वदलीय बैठकमा जनता समाजवादी पार्टी (जसपा) लाई कुनै आधिकारिक निम्तो नआएको पार्टीका नेता तथा केन्द्रीय सदस्य विश्वदीप पाण्डेले बताएका छन् ।

प्रधानमन्त्रीले आज ११ बजे बालुवाटारमा आव्हान गरेको सर्वदलीय बैठकमा पार्टीका अध्यक्ष महन्थ ठाकुर, लक्ष्मणलाल कर्ण उपस्थित भएको र अर्का अध्यक्ष उपेन्द्र यादव र संघीय परिषद् अध्यक्ष डा. बाबुराम भट्टराई उपस्थित नभएको कुरा सार्वजनिक भइरहेका बेला पाण्डेले सामाजिक संजाल ट्विटरमा लेख्दै पार्टीलाई बैठकका लागि आधिकारिक निम्तो नआएको बताएका छन् ।

सर्वदलीय भनिएको बैठकमा जसपालाई कुनै आधिकारिक निम्तो आएको छैन, व्यक्तिगत रूपमा कसैलाई आएको र गएको भए त्यो उसको निजी मामिला र विचार हो ! https://t.co/vc2zFbCONV

— Bishwadeep Pandey (@BishwadeepP) April 17, 2021

‘सर्वदलीय भनिएको बैठकमा जसपालाई कुनै आधिकारिक निम्तो आएको छैन, व्यक्तिगत रूपमा कसैलाई आएको र गएको भए त्यो उसको निजी मामिला र विचार हो !’ डा. भट्टराईका प्रेस सल्लाहकार समेत रहेका पाण्डेले लेखेका छन् ।