हामी सबैकाे संसारन्यूज

“सम्पूर्ण श्रमिक महिलाहरु एक हौं समान अधिकारको लागि सघर्ष गरौ”  भन्ने मूलनाराका साथ कतार नेपाली एकता समाजले आगामी ३ मार्च २०१७ का दिन बृहत वनभोज कार्यक्रम आयोजना गर्ने भएको छ । अन्तर्राष्ट्रिय श्रमिक महिला दिवसको अवसर पारेर आयोजना गर्न लागिएको उक्त वनभोज कार्यक्रममा उपस्थित भइदिन सम्पूर्ण महिला दिदीबहिनीहरुलाई हार्दिक अनुरोध गरिएको छ ।
कार्यक्रम आयोजना गर्नुको उद्देश्य बारे प्रकाश पार्दे महिला विभागका अध्यक्ष अमिना खान भन्नुहुन्छ – रुसमा समाजवादी व्यवस्थाको स्थापना भई सकेपछि मजदूर किसान महिलाको विद्यमान भेदभावमुलक अवस्थामा आमुल परिवर्तन भई उनीहरुलाई पुर्ण स्वतन्त्रता र समानता प्रदान गर्नमा ठूलो योगदान पुग्यो । महिलाको आधारभूत समस्याको समाधान र उनीहरुको उन्नती समाजवादी व्यवस्थामा मात्र सम्भव भयो महिलाले जीवनका हरेक क्षेत्रमा पुरुष सरह समानता र स्वतन्त्रका प्राप्त गरेपछि रुसी महिलाको जीवनमा ठूलो परिवर्तन आयो र उनीहरुले जीवनका धेरै क्षेत्रमा विकास गरे । जब रुसमा समाजवादी व्यवस्था स्थापना भयो पूँजीवादी रुसबाट महिलालाई हीन र लाचार दुःखी बनाउने गरी निर्माण गरिएका सम्पूर्ण असमान कानुनहरुको अन्त गरियो र महिला र पुरुषको बीचमा पुर्ण समानता कायम गर्ने कानुनहरु निर्माण गरियो । देवानी कानुनमा पारिवारिक कानुन जसले परिवारमा महिलाको स्थिति निधारर्ण गर्दछ, विवाह र सम्बन्ध विच्छेद सम्बन्धी कानुनहरु लगायतका सम्पूर्ण कानुनमा भएका विद्यमान अन्यायपुर्ण व्यवस्थाहरुको पूर्णरुपमा अन्त्य गरियो । उक्त समान कानुन निर्माण सम्बन्धी व्यवस्थाका बारेमा लेनिनले १९१९ को गैर पार्टी मेहेनत कस महिला सम्मेलनमा भनेका छन् निःसन्देह कानुन मात्र काफी छैन र हामी कुनै पनि हालतमा उपयुक्त कानुनी निर्देशन जारी गरेर मात्र सन्तुष्टि छैनौं । कानुनको क्षेत्रमा महिलालाई पुरुष बराबर बनाउनको लागि हामी महिला दिदीबहिनीहरुको पनि त्यतिकै जम्मेवारी भएको हुनाले अन्तर्राष्ट्रिय श्रमिक महिला दिवस मनाउन गएको बताउनु भएको छ ।

कार्यक्रम तालिका
मिति : ०३ /०३/२०१७
स्थान : समाल पब्लिक गार्डेन
समय :  विहान १० वजे

आायोजक
कतार नेपाली एकता समाज महिला विभाग

सम्पर्क
सनैया : खिम बूढा मगर ७७४३६५१
धनबहादुर : परियार ५५७८९७२६
सहलिया : लक्ष्मण कोइराला ३३०१०३६२
शअलखोर : रामप्रसाद पराजुली ५५८९८४२७
दोहा : विष्णु थापा ५५८९७०५८
अमिनाखान : ७७४६९५३१
व्क्रा : सत्यबहादुर पुन ६६७०९८७०