हामी सबैकाे संसारन्यूज

९ जेठ, काठमाडौं । नेपाली सेनाले २०७८ को सेना दिवसका अवसरमा आयोजना गर्न लागेको ‘खुल्ला सामरिक लेख रचना प्रतियोगिता २०७८’ का लागि लेख रचनाको आव्हान गरेको छ ।

विं.स २०७६ सालबाट संचालन गर्दै आएको उक्त प्रतियोगितका लागि ‘राष्ट्रियता र राष्ट्रियताका लागि’, ‘राष्ट्रिय विकास र सुरक्षा’, ‘सैनिक नागरिक सम्बन्ध’, ‘नेपालको सामरिक महत्व’, ‘बदलिदो सुरक्षाका आयामहरु’, ‘सैनिक कुटनीति’, ‘खेलकुद तथा प्रविधि’ का विषयभित्र रहेर लेख रचना पठाउन सकिने सेनाले जनाएको छ ।

लेख/रचना विशुद्धरुपमा अराजनैतिक हुनुपर्ने, ३५ सयदेखि ५ हजारसम्म शब्दमा लेख्न सकिने तथा अंग्रेजी र नेपाली दुवै भाषामा लेख्न सकिने सेनाले जनाएको छ ।

सेनाद्धारा जारी सूचना अनुसार प्रतियोतिामा प्रथम हुनेलाई २ लाख, द्धितीयलाई १ लाख ५० हजार, तृतीय हुनेलाई १ लाख र प्रतिव्यक्ति १० हजारका दरले २७ जनालाई सान्त्वना पुरस्कार दिइने बताइएको छ ।