हामी सबैकाे संसारन्यूज

१८ जेठ, दिल्ली । कोरोना महामारीका बेला रक्सीको सकरात्मक वा नकरात्मक असरका बारे बहस चलिरहँदा दिल्ली सरकारले भने घरघरमा मदिरा पु¥याउने व्यवस्था गरेको छ ।

दिल्ली सरकारले मोबाइल एप वा अनलाइन वेव पोर्टलमार्फत मदिराको होम डेलिबरी गर्नेलाई अनुमति दिएको छ । यसअघि छत्तिसगढ सरकारले पनि मदिराकाे होम डेलिवरी शुरु गरेको थियो । अब दिल्लीमा पनि मदिराको होम डेलिवरी शुरु भएको छ ।

मदिरालाई इजाजत दिएको बारे सरकारको तर्क छ ‘ यस फैसलाबाट कोरोना समयमा मदिराको पसलमा ठूलो भिड लाग्न पाउने छैन ।’

दिल्ली संसोधन नियम २०२१ अनुसार एल १३ लाइसन्सको धाराले जनतालाई घरसम्म मदिरा पु¥याउने अनुमति हुनेछ ।

सूचनामा भनिएको छ–‘लाइसन्स भएकाले केवल मोबाइल ऐप वा अनलाइन वेव पोर्टलका माध्यबाट अर्डर गरेपछि घरघरमा मदिरा डेलिवरी गर्नेछन् । तर कुनै पनि छात्रावास, कार्यालय तथा संस्थामा भने डेलिवरी हुने छैन । ’
यसअघि इमेल या फ्याक्स मार्फत डेलिवरीको इजाजत दिइएको थियो ।(एजेन्सी)