Sansar News
२४ जेठ । गैरआवासीय नेपाली अभियन्ता तथा कोरियामा स्थापित व्यवसायी केपी सिटौलालाई पत्नी शोक परेको छ ।
गैरआवासीय नेपाली संघ कोरियाका पूर्व अध्यक्ष तथा बुद्ध प्रतिमा स्थापना अभियानका अभियन्तासमेत रहेका सिटौलाकी अर्धाङ्गिनी रिता बस्नेत सिटौलाको आइतबार कोभिडको कारण निधन भएको पारिवारिक स्रोतले जनाएको छ ।
बिरामी बुबा भेट्न आफ्नो माइतीघर भारतको सिक्किम स्थित गान्टोकमा पुगेकी उनको त्यहि नै निधन भएको हो । उनको बुबाको पनि निधन भएको बताइएकाे छ ।
सिटौला दम्पत्तिका १० र १२ वर्षका छोरा र छोरी छन् ।
वि.सं.२०७८ जेठ २४ सोमवार १९:१८ मा प्रकाशित
