हामी सबैकाे संसारन्यूज

२५ जेठ, काठमाडौँ । फिफा विश्वकप २०२२ कतार तथा एएफसी एसियन कप २०२३ चीनको संयुक्त छनोट अन्तर्गत दोस्रो चरणको खेलमा नेपाललाई जोर्डनले ३-० गोलले पराजित गरेको छ ।

जोर्डनका लागि फैसनको खेलको २३ मिनेटमा पेनाल्टीमार्फत पहिलो गोल गर्दै जोर्डनलाई अग्रता दिलाएका थिए । दोस्रो हाफको ४८ औँ मिनेटमा फैसनले दोस्रो गोल गर्दै जोडर्नको अग्रता दोब्बर पारेका थिए । त्यसैगरी खेलको ६७ औँ मिनेटमा अबोउ अल अरबले जोडर्नका लागि तेस्रो गोल गर्दै टिमलाई जित दिलाएका थिए ।

समूह ‘बी’ मा ६ अंक जोडेर चौथो स्थानमा रहेको नेपालले अब अन्तिम खेल जेठ २८ गते अस्ट्रेलियासँग खेल्नेछ ।

सोमबार जोर्डनसँगै पराजित भएसँगै नेपाल एसियन कपको तेस्रो चरणमा सिधैं पुग्ने सम्भावना लगभग सकिएको छ। नेपाललाई प्लेअफबाट तेस्रो चरणमा पुग्ने अवसर भने बाँकी छ।