हामी सबैकाे संसारन्यूज

२८ जेठ, काठमाडौँ । काठमाडौं महानगरपालिकामा कोरोना संक्रमणविरुद्धको खोप अभियान स्थगित भएको छ । काठमाडौं महानगरपालिकाले बिहिबार एक सूचना जारी गर्दै हाललाई खोप लगाउने कार्य स्थगित भएको जानकारी गराएको हो ।

खोप दिने कार्यक्रम नसकिए पनि स्वास्थ्य सेवा विभागबाट जिल्लाहरुका लागि छुट्याइएको खोप सकिएको भन्ने सूचना प्राप्त भएकाले खोप कार्यक्रम अर्को सूचना नआएसम्मका लागि स्थगित गरेको महानगरपालिकाले जनाएको हो ।

महानगरपालिकाले यही जेठ २५ गतेबाट ६० देखि ६४ वर्ष उमेर समूहका ज्येष्ठ नागरिकहरुलाई चिनियाँ उत्पादन भेरोसेल खोप दिने अभियान सञ्चालन गरेको थियो ।