हामी सबैकाे संसारन्यूज

रमेश र उसको छिमेकी घरवाला सुमनको एकपटक सानो झगडा परेर बोलचाल नै बन्द भएको थियो । बोलचाल बन्द भएपछि नयाँ वर्षको दिनमा रमेशले सुमनको घरको अगाडि राखिएका फूलका गमलाहरुको अगाडि उभिएर मोबाइलले आफ्नो फोटो खिचेर फेसबुकमा राख्यो । उसले फेसबुकमा फोटो राखेपछि सुमनकी श्रीमती मायाले ‘नबोल्ने मन नपर्ने मान्छेले रोपेको फूलको अगाडि उभिएर पनि कसै कसैले फोटो खिचेर फेसबुकमा राख्दा रहेछन् नि’ आफ्नो घरको भाडामा बस्ने सम्झनालाई भनिन् । भाडामा बस्ने सम्झनाले ‘फोटो खिच्नेलाई फूल रोप्ने मान्छे पो मन नपरेको हो फूल मन परेर फोटो खिचेको होला नि घरबेटी आमै’ भनिन् ।

सामाखुसी मार्ग, सरकारी धारा, काठमाडौं