Sansar News
२ असार, काठमाडौँ । ‘झलनाथ खनालको नामबाट दिइएको विज्ञप्ती नै ‘फेक’ भन्दै स्टाटस राखेका जगनाथ खतिवडाले सामाजिक सञ्जालबाट स्टाटस नै हटाएका छन् ।
माधव पक्षीय मानिने नेता खतिवडाले दिउँसो पूर्वप्रधानमन्त्री एवं एमालेका वरिष्ठ नेता झलनाथ खनालले स्वास्थ्य उपचारका लागि दिल्ली जानुअघि जारी गरेको विज्ञप्तीमा शंका भएको बताएका थिए ।
उनले नेता खनालको नाममा आएको भनिएको विज्ञप्ति हस्ताक्षर र नाम दुरुपयोग गरि निकालिएको दाबी गरेका थिए ।
खतिवडा निकट एक स्रोतका अनुसार उनलाई राज्यपक्षको एकठूलै शक्तिले हटाउन दबाब दिएपछि पार्टी एकताका लागि भन्दै उनले हटाएका हुन् ।
स्मरण रहोस् खतिवडा देशैभर सञ्जाल भएको पुष्पलाल मित्रता मंचका केन्द्रीय अध्यक्षसमेत हुन् ।
यस्ताे थियाे उनकाे स्टाटस
वि.सं.२०७८ असार २ बुधवार २०:४० मा प्रकाशित
