Sansar News
असार ३, काठमाडाैं । माधवकुमार नेपाल पक्षीय एमालेकाे स्थायी समिति बैठक सकिएको छ । बिहिबार भर्चुअल माध्यमबाट बसेको स्थायी समिति बैठकले विभिन्न निर्णय गरेको छ ।
बैठकले बाढी, पहिरो र डुबान पीडितको उद्दार र राहतका लागि विपद् व्यवस्थापन विज्ञसमेत रहेका नेता गंगालाल तुलाधरको संयोजकत्वमा राहत र उद्दारका लागि समिति बनाएको छ ।
त्यस्तै बैठकले पूर्वप्रधानमन्त्री एवं पार्टी वरिष्ठ नेता झलनाथ खनालको शीघ्र स्वास्थ्यलाभको कामना गरेको छ ।
बैठकमा १४ जना स्थायी समिति सदस्यहरुको उपस्थिति रहेको बताइएको छ ।
वि.सं.२०७८ असार ३ बिहीवार १६:५३ मा प्रकाशित
