Sansar News
९ असार, दिल्ली । छिमेकीले सताएको भन्दै एक महिलाले १२ तलाबाट हाम फालेर आत्महत्या गरेकी छन् ।
यो घटना हो भारतको । भारतको मुम्बई राज्यको अंधेरी सहरमा बस्ने ४४ वर्षीया रेश्मा तेन्त्रिल नामकी महिलाले आफ्ना ७ वर्षीय छोरा गरुणलाई बोकेर १२ तलाबाट हाम फालेर आत्महत्या गरेकी हुन् ।
प्रहरीका अनुसार रेश्माका छिमेकीले पटक–पटक झगडा गरेका कारण उनले उक्त कदम उठाएको देखिन्छ । पूर्व पत्रकार समेत रहेकी रेश्माका श्रीमानको एकमहिना अगाडि कोरोनाका कारण मृत्यु भएको थियो ।
आत्महत्या गर्नुपूर्व रेश्माले एक सुसाइड नोट समेत लेखेकी छन् । त्यसमा उनले छिमेकी अयुव खान र उनको परिवारले आफ्नो छोरा चिच्याएको निहुँमा मानसिक रुपमा पीडा दिएको समेत लेखेकी छन् । प्रहरीले छिमेकी खानलाई हिरासतमा लिएर अनुसन्धान गरिरहेको छ ।
प्रहरीको सोधपुछका क्रममा अयुव खानले आफ्नो घरको कोही सदस्य विरामी रहेको तथा रेश्माको छोराले जोडसँग चिच्याएका कारण आफूहरु सुत्न नसकेको भन्दै टोलका अन्य मानिसहरुलाई पनि यसको बारेमा बताएका थिए । टोलका अन्य मानिसहरु आएर खानको परिवार र रेश्माको समस्या समाधान गरिदिएको पनि उनले प्रहरी सामु बताएका छन् ।
सोमबार आत्महत्या गरेकी उनको शब अहिलेसम्म उठेको छैन । समाचार ऐजेन्सीले जनाए अनुसार मुम्बईमा उनको कोही परिवार नभएकोले प्रहरीले अमेरिकामा रहेका उनका भाइ आएपछि मात्र शबको दाहसंस्कार गर्ने भन्दै पर्खिरहेको छ ।
वि.सं.२०७८ असार ९ बुधवार १५:३६ मा प्रकाशित
