हामी सबैकाे संसारन्यूज

एनआरएनए जापान गुन्मा क्षेत्रीय समितिको चौथो अधिबेशन सम्पन्न भएको छ । जुन २६ मा सम्पन्न अधिबेशनले क्षेत्रीय संयोजकमा मगेन्द्र बस्नेत सर्बसम्मत चयन गरेको छ भने उप संयोजकमा कुमार राई र जिबन बस्नेत सर्बसम्मत चयन भएका छन् । साथै महिला उपसंयोजकपछि मनोनित गर्ने जानकारी प्राप्त भएको छ ।

त्यसैगरी अन्य कार्यसमिति अन्तर्गत सचिबमा उमेश बिक्रम थापा, सह–सचिबमा श्रीधर पन्थी, कोषाध्यक्षमा बिपना अधिकारी र सदस्यतर्फ लक्ष्मण गौतम, रस्मिता बस्नेत, सन्तोष थापा तथा विद्यार्थी सदस्यमा खगेन्द्र खनाल सर्बसम्मत भएका छन् ।

कोराना कहरको विच प्रविधिको उच्चतम सदुपयोग गर्दै जूम मार्फत सम्पन्न गरिएको कार्यक्रममा नेपालबाट सहभागिता जनाउदै राजीनितिक विश्लेषक डा.सुरेन्द्र केसीले गैह्रआवासीय नेपालीले राष्ट्रको लागि गरेको योगदान गर्न सकिने कुरा र बिग्रदो देशको अवस्थाको बारेमा प्रकाश पारेका थिए ।

कार्यक्रमको अन्त्यमा एनआरएन जापानकी कार्यबाहक अध्यक्ष अनिता गुरुङले सर्बसम्मत कार्यसमितिलाई सपथ ग्रहण गराएकी थिइन् भने निबर्तमान संयोजक कुमार लामिछानेले कार्यक्रमको सभापतिको हैसियतले कार्यक्रमको समापन गरेका थिए ।