हामी सबैकाे संसारन्यूज

१७ असार, क्यानडा । क्यानडाको दक्षिण प्यासेफिक उत्तर पश्चिम क्षेत्रमा गर्मीले ऐतिहारिसक रेर्कड बनाएको छ । १० हजार वर्षमा एकपटक आउने हीट डोमको प्रभावका कारण क्यनाडाको पोर्टल्याण्ड, इडाहो, ओरेगन, र पूर्वि वासिङटनमा अत्यधिक गर्मी बढेको छ ।

केहिदिन यता त्यहाँको तापक्रम ४९.९ डिग्री बढेपछि ४ दिनमै २३३ मानिसले ज्यान गुमाएको समाचार ऐजेन्सीले जनाएका छन् । ती मध्ये १३० जना भ्यानकुवरका रहेको बताइएको छ ।

मृतक मध्ये अधिकांश बढी उमेरका रहेको र उनीहरुमा विभिन्न स्वास्थ्य समस्या रहेको जनाइएको छ । साथै गर्मीका कारण लु सुरु भएको बताइएको छ ।

त्यस्तै अत्यधिक गर्मीको मार भोगिरहेका वासिङटवासी मध्ये झण्डै २ लाखले बिजुली कटौतीको समस्यामा परेका छन् ।

क्यानडाको पर्यावरण विभागले लामो समयसम्म गर्मी यथावत रहने हुनाले यसबाट साबधानी अपनाउन अनुरोध गरेको छ भने युएस नेशनल वेदर शर्भिसले पनि मानिसहरुलाई चिसो ठाउँको खोजी गरेर बस्न अनुरोध गरेको छ । भ्यानकुवरमा स्कुल तथा कोरोना विरुद्धको भ्याक्सीन अभियान पनि रोकिएको र पोर्टल्याण्डमा सार्वजनिक यतायात चल्नबाट रोक लगाइएको बताइएको छ ।