हामी सबैकाे संसारन्यूज

१ साउन, काठमाडौं । कोरोना संक्रमणबाट बागमती प्रदेशमा बिहीवार थप ८ जनाको मृत्यु भएको छ ।

प्रदेशको सामाजिक विकास मन्त्रालयका अनुसार बिहीवार प्रदेशको चितवनमा ६८ वर्षीय पुरुष र ६२ र ५० वर्षीया २ महिला सहित ३ जना, काठमाडौंमा ५८ वर्षीय पुुरुष र ५६ र ६५ वर्षीया २ महिला सहित ३ जना र ललितपुरका ३६ वर्षीय पुरुष र ५४ वर्षीया महिला सहित ८ जनाको मृत्यु भएको हो ।

प्रदेशमा बिहीवार पिसीआर र एन्टिजेन गरेर ६४६३ नमुना परीक्षणमा ११९१ जनामा संक्रमण पुष्टि भएको छ । बागमती प्रदेशमा कोरोना संक्रमित हुनेको संख्या केहीदिनयता बढ्दै गएको देखिन्छ । बिहीबार काठमाडौं, चितवन र ललितपुरमा संक्रमितको संख्या बढी पाइएको छ । प्रदेशमा हाल ३४२ जना आइसीयु र १०१ जना भेन्टिलेटरमा उपचाररत छन् ।