Sansar News
१ साउन, काठमाडौँ । नेपाल कम्युनिष्ट पार्टीका महासचिव नेत्र विक्रम चन्द ‘विप्लव’ र सो पार्टीका वरिष्ठ नेता धर्मेन्द्र बास्तोला ‘कञ्चन’ले पूर्वप्रधानमन्त्री तथा जनता समाजवादी पार्टी(जसपा)का संघीय परिषद् अध्यक्ष डा. बाबुराम भट्टराई सँग भेटघाट गरेका छन् ।
पूर्व प्रधानमन्त्री भट्टराईका प्रेस सल्लाहकार विश्वदिप पाण्डेले सो सम्बन्धि जानकारी सञ्जालमाफर्त गराएका छन् ।
नेकपाको एक उच्च स्रोतका अनुसार उनीहरुबीच नेपालको पछिल्लो राजनीतिक अवस्था र अग्रगमनकारीहरुको सम्भावित मोर्चाका विषयमा छलफल भएको छ ।
नेकपाको सोही टोलीले यसअघि पूर्वप्रधानमन्त्रीद्वय पुष्पकमल दाहाल ‘प्रचण्ड’ र माधव कुमार नेपालसँग पनि भेटघाट गरेको थियो । विप्लवको यो भेटघाटलाई राष्ट्रिय राजनीतिमा अर्थपूर्ण मानिएको छ ।
वि.सं.२०७८ साउन १ शुक्रवार ०९:३० मा प्रकाशित
