Sansar News
५ साउन काठमाडौं । नेकपा एमालेका वरिष्ठ नेता माधवकुमार नेपाल पक्षीय २२ सांसदले अध्यक्ष केपी शर्मा ओलीलाई प्रतिशोधको राजनीति नगर्न आग्रह गरेका छन् ।
प्रधानमन्त्री शेरबहादुर देउवालाई विश्वासको मत दिएका नेकपा एमालेकाे माधवकुमार नेपालसहित २२ सांसदले प्रतिशोधको राजनीति नगर्न अध्यक्ष ओलीलाई आग्रह गरेका हुन् ।
फ्लोर क्रस गरेर देउवालाई विश्वासको मत दिएका २२ सांसदको मंगलबार बसेको बैठकले अध्यक्ष ओलीलाई प्रतिशोधको राजनीति नगर्न आग्रह गर्दै पार्टीलाई एक बनाउन चाहने हो भने अध्यक्ष पदबाट राजीनामा दिन पर्ने सुझाव दिएका छन् ।
सोमबार बसेको एमाले केन्द्रीय समिति बैठकले माधवकुमार नेपालसहित २२ सांसदलाई २४ घण्टे स्पष्टीकरण सोध्ने निर्णय गरेको थियो । प्रारम्भिक रुपमै स्पष्टीकरण नदिने बताएको माधव पक्षले आजको बैठकमा ओली पक्षले सोधेको स्पष्टीकरणबारे कुनै खासै निर्णय लिएन ।
कसरी अगाडि बढ्ने ? निर्णय लिन माधव पक्षीय सांसदहरु बैठक बस्दै
वि.सं.२०७८ साउन ५ मंगलवार २१:२४ मा प्रकाशित
