हामी सबैकाे संसारन्यूज

२७ जुलाई, बेल्जियम । गैरआवासीय नेपाली संघले राष्ट्रिय समन्वय परिषद् (एनआरएनए) बेल्जियमको निर्वाचनमा भएको बुथ कब्जाको घटनालाई लिएर आपत्ति जनाएको छ ।

जुलाई २५ मा बेल्जियमका विभिन्न क्षेत्र गरी ७ ठाउँमा भएको निर्वाचनमा आन्त्रोपेन क्षेत्रमा बुथ कब्जा र निर्वाचन आयुक्त लगायतमाथि कुटपिट भएको घटनालाई लिएर संघले उक्त घटना निन्दनिय भएको बताउँदै घटनामा संलग्न जो कोहीलाई पनि पन्जिकृत सदस्य समेत नरहने गरी कार्बाही गर्ने जनाएको छ ।

‘यस निन्दनीय घटनाप्रति संघको गम्भीर ध्यानाकर्षण भएको छ । यो घटनामा संलग्नहरुलाई कानुनी दायरामा ल्याउने प्रक्रिया अगाडि बढिसकेको छ । यस घटनामा संलग्न व्यक्तिहरुको पहिचान भए पश्चात निजहरुलाई पन्जिकृत सदस्यता नरहने गरी कार्बाही गर्ने संघको प्रतिबद्धता रहेको जानकारी गराउँदछौं ।’ संघका प्रवक्ता डिबि क्षेत्रीद्धारा जुलाई २६ मा जारी विज्ञप्तिमा भनिएको छ ।

संघले यस्ता प्रकारका घटनाले गैरआवासीय नेपाली संघको पहिचान र छवी धमिल्याउने प्रयास भएको बताउँदै संघको संजालालाई खलबल्याउने काम भएकोमा सबै गैरआवासीय नेपालीहरु एकजुट भएर यसप्रकारको घटनाको प्रतिकार गर्न समेत आह्वान गरेको छ ।

एनआरएनए बेल्जियमको निर्वाचनमा बुथ कब्जा, निर्वाचन आयुक्त लगायतमाथि नै कुटपिट