Sansar News
१४ साउन, काठमाडौं । देशैभरी रहेको मनसुनी वायुको प्रभावका कारण देशका विभिन्न भागमा मध्यम देखि भारी वर्षा भइरहेको छ । हाल मनसुनी न्युन चापिय रेखा नेपालको पश्चिमी तराई भू–भाग नजिक रहेको छ ।
मौसम पूर्वानुमान महाशाखाका अनुसार आज दिउसो प्रदेश १ र बाग्मती प्रदेश,कर्णाली प्रदेश, सुदूरपश्चिम प्रदेशका एक वा दुई स्थानमा भारी वर्षाको सम्भावना रहेको छ ।
त्यस्तै राति पनि प्रदेश नं १, प्रदेश नं २, लुम्बिनी तथा सुदुरपश्चिम प्रदेशका एक वा दुई स्थानमा भारी वर्षाको सम्भावना रहेको छ ।
आज कोशी, कर्णाली र यिनका सहायक नदीहरूमा बहाव उल्लेख्य बढ्ने; नारायणी, महाकाली र यिनका सहायक नदीहरूमा सामान्य घटबढ हुने; कमलामा बढ्ने; कन्काई, बागमती, पूर्वी राप्ती, तिनाउ, पश्चिम राप्ती, बबई लगायतमा सामान्य घटबढ हुने तथा जलसतह सतर्कता तह भन्दा तलै रहने पूर्वानुमान छ ।
वि.सं.२०७८ साउन १४ बिहीवार ०८:५२ मा प्रकाशित
