हामी सबैकाे संसारन्यूज

२८ जुलाई, युके । गोर्खा सत्याग्रह संयुक्त संघर्ष समितिले ३१ जुलाईका दिन हजारौं गोर्खाहरुको उपस्थितिमा ‘टेन डाउनिङ स्ट्रिट’ घेराउ गर्ने भएको छ ।

गोर्खाहरुको हकअधिकार तथा नेपाल र नेपालीको स्वाभिमानका लागि बेलायत सरकारसँग पटक–पटक विभिन्न माग राखी आन्दोलन गर्दै आएको गोर्खा सत्याग्रह संयुक्त संघर्ष समितिले गत २१ जुलाईबाट लन्डनको टेन डाउनिङ स्ट्रिट’ मा १३ दिने रिले अनसन आरम्भ गरेका छन । उनीहरुले आफ्ना माग सम्बोधन गराउनका लागि दवाव स्वरुप ३१ जुलाईमा हजारौंको संख्यामा उपस्थिति भएर ‘टेन डाउनिङ स्ट्रिट’ घेराउ गर्ने बताएका छन् ।

संघर्ष समितिले पूर्वस्वघोषित कार्यक्रम अनुसार १३ दिने रिले अनशन सम्पन्न भइसक्दा पनि माग सम्बोधन नभए संघर्ष समितिका ज्ञानराज राई, धन बहादुर गुरुङ र श्रीमती पुष्पा राणा घलेले स्वनिर्णयबाट आमरण अनशन बस्ने चेतावनी समेत दिएका छन् ।

‘यसै सिलसिलामा, आमरण हनसनसम्म नपुगि बेलायत सरकारद्धारा माग सम्बोधन गराउन ब्रिटिश भेट्रानका दर्जन बढी संस्थाहरु लगायत बेलायती नागरिक समाज साथै संचारकर्मीहरुले संयुक्त रुपमा स्वतस्फूर्त रुपमा आगामी ३१ जुलाई २०२१ शनिबार बिहान ११ बजे हजारौंको संख्यामा उपस्थित भई ‘टेन डाउनिङ स्ट्रिट’घेराउ गर्न ससक्त कार्यक्रम तय गरेका छन् ।’ संघर्ष समितिद्धारा जारी बिज्ञिप्तमा भनिएको छ ।