Sansar News
२९ जुलाई, मालाबो, अफ्रिका । पश्चिमी अफ्रिकास्थित समुन्द्र छेउमा रहेको सानो मुलुक इकोटोरियल गुयानामा गैरआवासीय नेपाली सङ्घ, राष्ट्रिय समन्वय समितीको बुधबार सम्पन्न तेश्रो बार्षिक साधारणसभाले बिष्णु हरि सेढाईलाई सर्बसम्मतिले अध्यक्ष निर्वाचित गरेको छ ।
निर्वाचन संयोजक तथा निवर्तमान अध्यक्ष कृष्णचन्द्र सेढाईका अनुसार निर्बिरोध निर्वाचित कार्यसमितिमा सुमन बिके उपाध्यक्ष, लवकुमार थपलिया महासचिव, प्रतीक थपलिया कोषाध्यक्ष र मानबहादुर कार्की, किशोर साह, कृपा शर्मा र बासुदेब सेढाई कार्यसमिति सदस्यमा निर्बाचित भएका छन् ।
केन्द्रिय अनुगमनकर्ता रमेश प्रसाद त्रिपाठीका अनुसार उक्त सभामा मालाबो तथा बाटा शहरमा बसोबास गरिरहेका नेपालीहरुले प्रत्यक्ष एबम जुमका माध्यमबाट सहभागिता जनाएका थिए ।
सभामा बार्षिक कार्य प्रगती विवरण र आर्थिक प्ररिबेदनमा समेत छलफल गरि पारित गरिएको थियो ।
निर्वाचन संयोजक एबम निबर्तमान अध्यक्ष कृष्णचन्द्र सेढाईले नवनिर्बाचित अध्यक्ष लगायत कार्यसमितिका पदाधिकारी तथा सदस्यहरुलाई शपथ ग्रहण गराई कार्यभार हस्तान्तरण गरेका थिए ।
अट्ठाइसहजार बर्गकिलोमिटर क्षेत्रफल र चौध लाख जनसंख्या रहेको इकोटोरियल गुयानाप्रति ब्यक्ति आयको हिसाबले अफ्रिकाकै सम्पन्न देश हो । जसको प्रति ब्यक्ति आय युएसडी २१,४४२ रहेको छ । यसले कच्चा तेल, काठ, कफी र कोका निर्यात गर्छ ।
वि.सं.२०७८ साउन १४ बिहीवार १५:५६ मा प्रकाशित
