हामी सबैकाे संसारन्यूज

साउन १६, काठमाडौं । नेकपा (एमाले)का अध्यक्ष केपी शर्मा ओलीले वरिष्ठ नेता माधवकुमार नेपालप्रति निकै अराजक खालको टिप्पणी गरेका छन् । एमालेको काठमाडौं जिल्ला कमिटीको बैठकलाई शनिबार सम्बोधन गर्दै उनले नेता नेपाल देशद्रोही र अपराधी भएको बताए । उनले नेता नेपालले कम्युनिष्ट आन्दोलन विरोधी गतिविधि गरेको आरोप लगाए ।

‘माधव नेपाल जस्ता आन्दोलन विरोधी, देशद्रोहीलाई कुनै ठाउँ छैन,’ एमालेको काठमाडौं जिल्ला कमिटीको बैठकलाई सम्बोधन गर्दै ओलीले भने, ‘वामपन्थी सरकार ढाल्ने, आफ्नो अध्यक्षले माग्दा पनि विश्वासको मत नदिने, दक्षिणपन्थी सरकारलाई मेरो विश्वास छ भनेर ह्वीप क्रस गर्ने । त्यस्ताका लागि ठाउँ छैन ।’

उनले प्रतियिक्रयावादीहरुसँग लागेर माधव नेपालले आफू नेतृत्वको सरकार ढालेको आरोप पनि लगाए। पार्टीले ठूलो क्षति व्यहोरेको भन्दै उनले ‘मुख्य–मुख्य अपराधी’ बाहेक पार्टीमा फर्किन सक्ने बताए ।

‘पार्टीको सरकार ढल्यो, जनताको सरकार ढल्यो, दक्षिणपन्थीको सरकार बन्यो’, ओलीले भनेका छन्, ‘मुख्य–मुख्य अपराध ीबाहेक अरु साथीहलाई मौका दिन्छौं । आउनुस् यो पार्टी हामी सबैले बनाएका हौं ।’

उनले पार्टी बाहिर रहेकालाई धेरै कुर्न नसकिने पनि बताएका छन् ।