Sansar News
१९ साउन, काठमाडौं । मेरो माइक्रोफाइनान्स लघुवित्त वित्तीय संस्थाले एक वर्षको अवधिमा १४५.५१ प्रतिशत बढी खुद नाफा आर्जन गर्न सफल भएको छ ।
अघिल्लो आर्थिक वर्षमा १८ करोड २१ लाख रुपैयाँ खुद नाफा कमाएको संस्थाले गत आर्थिक वर्षको असार मसान्तसम्ममा ४४ करोड ७२ लाख रुपैयाँ बढी नाफा कमाएको हो ।
संस्थाले प्रकाशित गरेको गत असारमसान्तसम्मको वित्तीय विवरण अनुसार माइक्रोफाइनान्सको अधिकांश सूचकमा सुधार देखिएको छ । समिक्षा अवधिमा संस्थाको खुद ब्याज आम्दानी ७२.४६ प्रतिशत, सञ्चालन आम्दानी ७८.३९ प्रतिशत र सञ्चालन नाफा १०२.५२ प्रतिशतले बढेको छ ।
गत असार मसान्तसम्ममा संस्थाको प्रतिसेयर आम्दानी ४४.७२ रुपैयाँ रहेको छ । जुन अघिल्लो आवको सोही अवधिको तुलनामा २६.५१ रुपैयाँले बढी हो । अघिल्लो आवको असार मसान्तसम्ममा संस्थाको प्रतिसेयर अम्दानी १८.२२ रुपैयाँ रहेको थियो ।
त्यस्तै, पीई रेसियो ३४.५७, प्रतिसेयर आम्दानी बढेर १६३.१२ रुपैयाँ पुगेको छ ।
विवरण अनुसार बिजेनसमा पनि संस्था आक्रामक देखिएको छ । समिक्षा अवधिमा संस्थाले निक्षेप सञ्कलन ५२.३५ प्रतिशत र कर्जा लगानी १३६.४० रुपैयाँले बढाएको छ । यससँगै संस्थाले एक वर्षमा २ अर्ब ४१ करोड रुपैयाँ निक्षेप संकलन गरी १३ अर्ब ६४ करोड रुपैयाँ बढी कर्जा लगानी गरेको छ । निक्षेपमा भन्दा कर्जामा आक्रामक देखिएको संस्थाको निष्क्रिय कर्जा घटेर ३.७८ मा सीमित भएको छ । जुन अघिल्लो आवमा ३.६५ रहेको थियो ।
हाल संस्थाको चुक्ता पुँजी एक अर्ब रुपैयाँ रहेको छ । समीक्षा अवधिमा संस्थाको जगेडा कोषको रकम २०१.९७ प्रतिशतले बढेर ६३ करोड १२ लाख रुपैयाँ पुगेको छ । अघिल्लो आवमा संस्थाको जगेडा कोषमा २० करोड ९० लाख रुपैयाँ रहेको थियो ।
वि.सं.२०७८ साउन १९ मंगलवार ०७:२९ मा प्रकाशित
