हामी सबैकाे संसारन्यूज

२० साउन, काठमाडौं । असार २९ गतेदेखि कोरोना भाइरस विरुद्धको पहिलो मात्रा भेरोसेल खोप लगाएकाहरुलाई साउन २२ गतेदेखि दोस्रो मात्राको खोप लगाइने भएको छ ।

स्वास्थ्य तथा जनसंख्या मन्त्रालयको मंगलवार सो निर्णय गर्दै साउन २२ गतेदेखि सातै प्रदेशका विभिन्न खोप केन्द्रमा दोस्रो मात्राको खोप कार्यक्रम लागू गर्न निर्देशन गरिएको छ ।

‘२०७८ असार २९ गतेदेखि सन्चालन गरिएको खोप अभियानमा ५५ वर्ष वा सो भन्दा माथिका व्यक्तिहरुलाई भेरोसेल खोप पहिलो मात्रा प्रदान गरिएकोमा पहिलो मात्रा खोप पाएको २१ दिन पुगेका सबै व्यक्तिलाई दोस्रो मात्रा खोप दिने गरी साउन २२ गतेदेखि देशैभरी खोप अभियान संचालन गनें ।’ मन्त्रालयद्धारा जारी सूचनामा भनिएको छ ।